दैणां हुयां अमेरिकी चम्पू मनू रे
दैणां हुयां अधखिचरों बंगाली रे
दैणां हुया पातर पुरूष रे
दैंणा हुयां यदुवंश का कलंक रे
दैंणा हुया माया की लाडली रे
दैंणा हुया जयचंद के कुपूतों रे
दैंणा हुयां नापाक के दलालों रे
दैंणा हुयां धन्ना सेठों का दलाल रे
दैणा हुयां भ्रष्ट रगोणी बगोणी रे
दैणां हुयां सूपनखा ताडिका रे
दैणा हुयां अंग्रेजो का गुलामों रे
दैणा हुयां भूत अवधूत रे
दैणा हुयां कालनेमी बाबाओं रे
दैंणा हुयां चंगेजी एनजीओ रे
दैंणा हुयां धृतराष्ट्री कुपूतों रे
दैणा हुयां स्यां उत्तराखण्डी रे
देंणा हुयां मंहगाई के गणों रे
दैंणा हुंया जाति धर्म के मसाणों रे
दैणा हुयां शराब माॅं डूबियां रे
दैणां हुयां कमिशनखोर कीडो रे
दैणां हुयां नेताओं का चम्चो रें
दैणा हुया आत्मघाती मीडिया रे
दैणां हुयां भ्रष्टाचारी पंच प्रधान रे
दैणां हुयां स्यां सरकारी गणों रे
दैंणां हुूयां बेसुद नेता रे
सुण सुण सुण तुम आज रे
ना लूटा ना लूटा देश रे
पंचकिला बूटों से तेरी आरती करोला रे
कलमुखडी तेरों हम सब करोला रे।।
-देवसिंह रावत
(2 नवम्बर 2012 प्रातः 9.20 बजे)
Comments
Post a Comment